Dewleta Tirk a dagirker 15’ê Hezîranê de êrişî, Şengal, Mexmûrê û Herêmên Parastinê yên Medyayê kir.
Endamê Meclisa Giştî ya Partiya Yekîtiya Demokrat PYD`ê yê herêma Firatê Mustefa Ebdî got: “Herêmên ku Tirkiye niha êrişî wan dike, gelê ku ji ber kiryar û sûcên rêxistina terorîst a DAIŞ`ê reviyane, lê dijîn. Ev yek tekez dike ku Tirkiyê rûyê xwe yê rast derxistiye.”
Mustefa Ebdî wiha anî ziman: “Tirkiye ji wan kesên ku xwe li Herêmên Parastinê yên Medyayê bi rêxistin dikin, ditirse. Tirkiye hewl dide ku gelê Kurd tu destkeftiyên siyasî û leşkerî bidest nexe. Piştî ku çeteyên dewleta Tirk ji bo berjewendiyên xwe şandin Lîbya û Sûriyê bin ketin, vê carê Tirkiyê dest ji şerê wekaletan berda û dest bi êrişên raste rast kir. Em ji ber bêdengiya navnetewî ya li dijî sûcên dewleta Tirk, matmayî ne. Tevî ku bi hezeran belge û îsbat hene û di raporên navnetewî de behsa wan hatiye kirin. Her wiha raporên rêxistinên mafên mirovan ku îsbat dikin Tirkiyê li dijî sivîlan li Bakur û Rojhilatê Sûriyê sûcan pêk anîne.”
Mustefa Ebdî bang li partiyên siyasî yên Kurd kir ku helwestên cidî nîşanî sûcên Tirkiyê yên li dijî gelê Kurd ê li her çar parçeyên Kurdistanê pêktîne, bike.
Mustefa Ebdî bang li tevahî gelê Kurd kir ku li hember sûcên Tirkiyê rabin.
Ebdî di dawiya axaftina xwe de got: “Dewleta Tirk dixwaze hewldanên dawîn ên di navbera ENKS`ê û Partiyên Yekîtiya Niştimanî ya Kurdî de ku ji bo yekîtiyê pêk tên, têk bibe.
ANHA
