Di bin durişmeya “Projeya avakirina hêzan a Meclîsa Sivîl a Dêrazorê” de îro sêyemîn civîna Meclîsa Sivîl a Dêrazorê hate lidarxistin. Di civînê de pêdiviyên sereke û astengiyên rastî komîteyên meclîsê û rêxistinên navnetewî û hundirîn hatine, hatin gotûbêjkirin.
Di bin durişmeya “Projeya avakirina hêzan a Meclîsa Sivîl a Dêrazorê” de îro sêyemîn civîna Meclîsa Sivîl a Dêrazorê hate lidarxistin. Di civînê de ku ji hêla konfiransan a Meclîsê hatiye lidarxistin, hemû endamên komîteyên xizmetguzarî, rêxistinên navnetewî û hundirîn ên li Bakurê Sûriyeyê dixebitin û nûnerên Meclîsa Sûriya Demokratîk (MSD) û Hevseroka MSD`ê Riyad Dirar û Endamê Desteya Siyasî ya MSD`ê Hesen Elî Zohat û Endamên Meclîsa Sivîl û Zagonsaz ên Dêrazorê beşdar bûn.
Civîn bi deqeyeke rêzgirtinê dest pê kir. Piştre axaftina destpêkê ji aliyê Hevserokê Meclîsa Sivîl a Dêrazorê Xesan El-Yûsif ve hate kirin û bixêrhatina hemû beşdaran kir û pesna projeya demokratîk li Dêrazorê da û destnîşan kir ku rizgarkirina herêm û hevgirtina pêkhateyên herêmê dihêle ku rêxistinên mirovahiyê bêtir ji bo vejandina vê herêmê baldar bin.
Di nava axaftvanan de Hevserokê Komîteya Rêxistinên Mirovahî û Karûbarên Civakî Tariq El-Raşid jî hebû û wiha got,”Li rex pêwîstiya danîna pilansaziya paşerojê û avakirina mijarên hêzdayînê di vê pilansaziyê de em ê asta kar û xebatên xwe bilindtir bikin û bi taybet li vê herêmê ku ev çend sal in di bin nîrê şer û terorê de jiyan dikirin. Pêdiviya vê herêmê bi helwest û xebatên ciddî heye.”
Piştre deriyê nîqaş û pêşniyaran li pêşiya beşdaran hate vekirin û hemû aliyên rêveberiya herêmê hatin gotûbêjkirin.
Di dawiyê de rewşa bajarê Dêrazorê û pêdiviyên welatiyan di ber çavan re hate derbaskirin û rêbazên peywendî û kordîneya bi rêxistinên aktîf re hatin gotûbêjkirin.
çavkaniya;ANHA
