Çalakiya greva birçîbûnêÇalakiya greva birçîbûnê ya bi daxwaza azadiya Rêberê Gelê Kurd Abdullah Ocalan ya girtiyên siyasî bi koma 50’î di roja 287’an de bi biryardarî dewam dike.
Girtiyên siyasî yên, di 27’ê Mijdara 2020’an de, bi armanca rakirina tecrîda li ser Rêberê Gelê Kurd Abdullah Ocalan ku 23 sal in li Girtîgeha Îmraliyê ya Tîpa F a Ewlehiya Bilind girtî ye û bidawîkirina binpêkirinên mafên mirovan ên li girtîgehan zêde bûne, dest bi çalakiya greva birçîbûnê ya bêdem û bidorveger kirin. Çalakiya greva birçîbûnê ya koma 50’emîn, di roja 287’emîn de berdewam dike. Ji 14’ê Tîrmehê ve girtî ji 15 rojan carekê bi awayekî bidorveger dikevin çalakiya greva birçîbûnê.
Mexmûr
Bi heman armancê li Wargeha Penaberan a Şehîd Rûstem Cudî (Mexmûr) jî bi pêşengtiya Meclîsa Îştar ji 18’ê Kanûna 2020’ê ve li Saziya Malbatên Şehîdan çalakiya greva birçîbûnê hatiye destpêkirin. Çalakî di roja 266’an de bi biryardariyek xûrt didome.
Yewnanîstan
Tevgera Ciwanên Şoreşger (TCŞ), Tevgera Jinên Kurdistanê ya Ewropayê (TJK-E) û Navenda Çanda Kurdistanê ji bo azadiya fîzîkî ya Rêberê Gelê Kurd Abdullah Ocalan li kampa Lavrîo ya Yewnanistanê dest bi çalakiyê kiribû, di roja 249’an de didome.
