Tevî hemû daxwazên pêkhateyên Şengalê û civaka êzidî jî hikumeta Iraqê û PDK di peymana Bexda-Hewlêrê ya ji bo têkbirina destkeftiyên êzidiyan de israr dikin. Hikumeta Federal a Iraqê ku ji YBŞ’ê re ragihandiye divê ji çiyayê Şengalê derkeve û asayîşa Êzîdxan jî ji nava bajar derkeve, MXDŞ îro careke din ji bo nirxandina gefan, bi awayekî awarte li Şengalê civiya.
Li gorî nûçeya Rojnewsê nûnerên YBŞ-YJŞ, Asayîşa Êzîdxanê, nûnerên PADÊ û TAJÊ, nûnerên rêxistinên civaka sivîl a Şengalê jî di civîna MXDŞ’ê de amade ne.
Hate ragihandin ku piştî civîn qediya dê MXDŞ li gel nûnerên saziyan encam û biryarên civînê ji raya giştî re eşkere bikin.
Duh jî rûspî û oldarên êzîdî li Şengalê bi daxuyaniyeke çapemeniyê helwesta xwe ya der barê mijarê de eşkere kiribû û bang li civaka êzidî kiribû ku xwedî li destkeftiyên xwe derkevin.
ANHA
