Polîsa Tirk ev derdora 3 mehan jina bi navê (Dijle Cemal Bekir) ji gelê navçeya Cidirêsê ye û zarokên wê li bajarê Îstanbolê girtiye bi hinceta ku karta wê ya parastinê ya demkî nîne (Kemlîk), û wê sergûnî xaka Sûriyê kirin, piştî ketina wê li bajarê Izazê ji hêla mîlîsên (Suqur el-Şemal) ve, yên ku deriyê sînor kontrol dikin, hat revandin, û di zindana Hewar Kels ya ku MÎT’a Tirk kontrol dike girtiye.
Di encamê de hevjînê Dijle (Îdrîs Mûsa) yê ku li Nêmsa ye têkilî bi aliyên ku hevjîna wî revandiye danî û îstixbarata Tirkiyê jê xwest ku birayê hevjîna xwe yê bi navê (Mihemed) ku li herêma Şehba bi cih bûye, agahdar bike ku ji bo berjewendiyên wan kar bike di berdêla berdana jin û zarokan de, an wê çarenûsa wan ne diyar be.
Îdrîs Mûsa daxwaz ji rêxistinên mafên mirovan û hiqûqî kir ku bêyî îstîsna zextê li hikûmeta Tirkiyê û komên girêdayî wê bikin da ku jin û çar zarokên wî serbest berdin.
Di 5 salên borî de, ji dema ku Tirkiyê û çeteyên wê Efrîn dagîr kirine, gelek rêxistinên mafên mirovan gelek binpêkirinên mafên mirovan ji aliyê komên piştgiriya Tirkiyê li bakurê rojavayê Sûriyê bi belge kirine.
