Li gorî agahiyên çavkaniyên herêmî ragihandine, çeteyên dewleta Tirk a dagirker welatiyê bi navê Rohat (37) dema ku ji bo kirîna pêdiviyên werşeya dirûnê ji bajarê Efrînê diçû Ezazê, revand.
Çavkanî diyar kir ku kesê ku hatiye revandin karê dirûnê dike û ji gundê Erendê yê girêdayî navçeya Şiyê ya Efrîna dagirkirî ye.
Hinek çavkaniyên din diyar kir ku çeteyên bi navê “Lîwaya Semerqend” ên girêdayî artêşa Tirk a dagirker, 4’ê vê mehê 5 ciwan ji gundê Kefersefrê yê navçeya Cindirêsê revandin.
Çavkaniyan da zanîn ku navên kesên hatine revandin wiha ne; Ehmed Hesen Mamed, Hesen Hesen Has, Murad Seydo Xilo, Ebdo Mihemed Ebdo Mecîd û Mihemed Xelîl Murad.
Heta niha çarenûsa 6 kesên hatine revandin û cihê ku ew birinê, ne diyar e.
