DaxuyanîManşêt

Daxuyanî bi boneya Roja Cîhanî ya Piştgiriya bi Kobanî re

1’ê Mijdarê Roja Cîhanî ya Piştgiriya bi Kobanê re ye.

Di 1’ê Mijdarê de gel, tevger, tevger, partiyên siyasî yên demokratîk, nivîskar, rewşenbîr, siyasetmedar, hunermend û parlamenter li cem berxwedana Kobanê sekinîn. Bi milyonan mirovên azad ên cîhanê piştgiriya xwe ji bo şoreşgerên wê, Yekîneyên Parastina Gel (YPG) û Yekîneyên Parastina Jin (YPJ) anîn ziman.

Kobanî ya ku di dema me de, bûye sembola berxwedanê, bi çekê şervanên xwe li çar aliyên cîhanê deng veda û tekezî li ser pêkanîna dirûşma wan “an serkeftin an serkeftin” kirin û ji şoreşgerên azadiyê re sembolek û xala destpêkê ya têkoşîn û rizgariya li dijî terorîzma ku cîhan bi xwîna xwe girtiye.

Di vê rojê de em şehîd û birîndarên xwe, rêberên me yên menewî, lehengên azadiyê yên ku bi îradeyeke xurt a ku di dîroka mirovahiyê de bêhempa ye, li hember terora reş a ku hemû cîhanê tehdîd kir, bi bîr tînin, û em malbatên şehîdan ên ku ji bo gelê me bi ewlekarî û aramiyê bi ser bikeve jiyana xwe ji dest dane silav dikin.

Îro piştî derbasbûna 8 salan, dewleta Tirk a dagirker, komên wê yên terorîst û tevgerên tekfîrî yên netewperest ên ku îdiaya dijberiya wê dikin, heta roja me ya îro têkçûna rêxistina terorîst a DAIŞ`ê qebûl nekirine, Piştî ku Hêzên Sûriyeya Demokratîk û hevpeymaniya navdewletî karîbûn DAIŞê têk bibin, di sala 2018’an de artêşa Tirk a dagirker dest bi êrîşa li ser kantona Efrînê kir û piştre jî di sala 2019’an de dest bi operasyoneke nû ya dagirkeriyê li ser herêmên Serê kaniyê û Girê Spî kir, piştî çend meh ji têkçûna DAIŞê, li asêgeha xwe ya dawî li ser xaka Sûriyê li Baxozê. Îro artêşa Tirk a dagirker her roj êrîşên hovane li ser hemû herêmên ewle yên li derveyî dagirkeriya xwe dike û tehdîta êrîşeke terorîstî ya nû li ser Kobanê û herêmên din ên Bakur û Rojhilatê Sûriyeyê dike, di demekê de ku civaka navneteweyî û welatên garantor çavê xwe ji sûc û binpêkirinên giran ên dagirkeriyê û komên wê, li dijî kevir, gel û darên herêmên dagirkirî, ku hemû pîvan, yasa û peymanên navneteweyî derbas dikin, digirin.

Em ji civaka navneteweyî û gelên cîhanê re tekez dikin ku dagirkeriya Tirk îro bi gelek rê û rêbazên cuda hewl dide DAIŞ’ê bi navên cuda pêş ve bibe û zindî bike, û tiştê ku berê heşt sal qewimî, û berî û paşê wê, dê dîsa biqewime, bi awayek tundtir, ji ber ku armanca terora ya ji aliyê rejîma Tirkiyê û rejîmên din ên hevkar ve tê sponserkirin ne tenê bindestkirin û ibtizaza Bakur û Rojhilatê Sûriyê û tevahiya herêmê ye, lê armanca wan ibtizaza tevahiya cîhanê ye, û tiştên ku di van demên dawî de li herêmên dagirkirî li bakurê Sûriyê qewimîn, encama peymanên di navbera rejîma Tirkiyê û rejîmên ku piştgirî û veberhênanên alozî û terorê dikin, hatin kirin, û qurbaniya yekem gelê Sûriyê ye.

Herwiha em ji hemû cîhanê re dubare dikin ku em bangewazên aşitiyê, şoreşgerên azadî, biratiya gelan, jiyana hevbeş û yekitiya çarenûsa wan in û têkoşîna me ji bo bersiva neheqiya li ser gelê me û avakirina civakek azad ku tê de edalet û wekheviya maf û erkan bê cudahiya nijadî, olî û etnîkî serdest be, ji ber vê yekê hilbijartina me ya xeta sêyem ji destpêka aloziya Sûriyê ve ew bû ku em piştrast bikin ku em xwediyê pirojeya siyasî ya niştimanî ya Sûriyê ne ku li ser esas û bingehên demokratîk hatiye avakirin, em tekez dikin ku rêbaza me ya şoreşgerî ya demokratîk tekane rêya rizgarkirina Sûriyê û çareserkirina aloziya Sûriyê li gorî biryara navdewletî ya 2254 e û em hewl didin ku bi tevahî hêzên gelêrî û siyasî yên Sûriyê yên demokratîk beşdarî vê têkoşînê bibin ji bo avakirina siyaseteke demokratîk a nenavendî ku mafê hemû pêkhate û gelên Sûriyê li ser modela Rêveberiya Xweser a Bakur û Rojhilatê Sûriyê tê parastin.

Em di Meclisa Giştî ya Partiya Yekîtiya Demokratîk PYD de spasiyên xwe ji bo hemû gelên cîhanê yên ku hevrêtiya Kobanî û berxwedana lehengên wê nîşan dane, nû dikin, û em careke din bang li wan dikin ku li cem Rêveberiya Xweseriya Demokratîk û gelê wê yên ku bi xwîna van şehîdan hatiye avakirin, bin, ev rêveberî ku rastiya daxwazên pêkhateyên Sûriyê îfade dike. Em soza bilindkirina pêngava berxwedana xwe ya li hemberî teror û ramana tarî û tekfîrî ku hemû mirovahiyê tehdîd dike, nû dikin û têkoşîna me li dijî dagirkeriyê û hemû komên wê yên çete heta rizgarkirina herêmên me yên dagirkirî û vegerandina hemû koçber ser cih û malên xwe bi ewle dê bidomînin.

Meclisa Giştî ya Partiya Yekîtiya Demokratîk PYD

Back to top button
Close