Piştî şervanên YPG/YPJ’ê herêmên Til Brak û Til Hemis ji çeteyên DAIŞ’a faşîst paqij kirin, TEV-DEM ji bo çareserkirina pirsgirêkên civakî xebatên ji nû ve avakirinê dabû destpêkirin. Çavkaniyên çareseriya esasî yên pirsgirêkên civakî komun hatibûn vekirin û bi gel re rêgezên xweseriya demokratîk di ketin meriyetê. Ji bo ev hê zêdetir bibin rêxistinî jî bi daxwaza gelê herêmê re Mala Gel a wê bi pirsgirêkên civakî yên 45 gundan re eleqedar bibe hat vekirin.
Di vekirina merasîma Mala Gel de ku gelek welatî amade bûn, rayedarên TEV-DEM û nûnerên gelek saziyan amade bûn. Yek ji rêveberên TEV-DEM a Til Brak Alan Hisin got, “Wek gelê Til Brak me rojên pir zehmet jiya. Em wek şahidên herî nêz ên hovîtiya DAIŞ’ê me soz dabû şehîdên xwe. Wê DAIŞ careke din li Til Brak cih nebîne. Ev sazî îspata wê ya herî berbiçav e. Di rastiyê de bi vekirina saziyê re tola şehîdên Til Brak hat rakirin.”
Kurdeleya vekirina Mala Gel ji aliyê dayika Şehîd Sîpan ê yek ji şehîdên Til Brak e hat qutkirin. Girseyê piştî qutkirina kurdeleyê li ber stranên Kurdî û Erebî govend gerandin.
Hin gundên girêdayî Mala Gel ev in:
“Xaşuka
Xizna Jor
Xizna jêr
Namıs
Narik
Hilwa
Eslo
Gir Kevbar
Kevê
Gemo
Gedo
Xirbet Sırt
Behiya
Başîya
Behiya
Mizil
Em Hicêra Jor
Em Hicêra Jêr
Mezraya Mızır
Şiya
Muelhat
Werdiya
Qurdîsê
Kano
Barudiya
Mesodiya
Şeleş
Kirma
Qulo
Etê
Xirbe Şêx
Ebawî
Xirbe Hewas
Koçeryê.”
Anf/ Reşîd Serdar
J. M
