Der barê aloziya li Zînî Wertê de 112 hunermendan daxuyaniyeke hevpar da û daxwaza bidawîkirina aloziyê li aliyan kir.
Daxuyaniya hunermendan wiha ye:
“Weke em dizanin ev demeke alozî di navbera aliyên Kurd de belav bûye û zêdetir dibe. Em dizanin di zêdebûna vê aloziyê de heke rola berjewendiyên hizbayetî hebe, misoger e roleke dijminan û dagirkerên Kurdistanê di avakirina vê rewşê de heye. Lewma em weke komeke hunermendên Kurdistanê ku em xwe weke dil û wijdanê gelê xwe dizanin, li pişt vê rewşê plangeriyeke tirsnak a dijmin dibînin. Nexşeya vê plangeriyê jî ‘Siyaseta Kurd bi Kurd bidin kuştin e’ ev jî di encam de şerê navxweyî, kavilkarî û jidestdana destketiyên gelê Kurdistan e.
Diyar e dijmin û dagirkerên Kurdistanê di serî de jî rejîma faşîst a Tirkiyeyê û Îran vê plangeriyê bi armanca zêdetir serweriya xwe li ser Kurdistanê çêkin, jenosîd, enfalkirina xelkê Kurdistanê pêş bixin, çand û hunera Kurdî ji holê rakin pêk tînin. Bêguman eger rê li vê plangeriyê neyê girtin, wê gelê Kurdistan rastî qirkirin û komkujiyên mezin were.
Ji ber vê em weke hunermendên nîştimanperwer ên Kurdistanê aliyên siyasî yên Kurdistanê hişyar dikin ku pêwîst e, ji zêdetir alozkirina rewşê û rûdana şerekî bi xwîn ê navxweyî xwe dûr bixin. Nebin amûrê bicihanîna planên dijmin û dagirkeran. Nebin sedema enfalkirin û komkujiya li hember Kurdan, nebin sedema jenosîdkirina çanda me. Pêwîst e hemû aliyên Kurd vê bibînin ku yekane rêya serketin û bihêzbûnê yekîtiya neteweyî ya gel û yekrêziya aliyên siyasî ye. Divê vê rastiyê zanibin ku serketina aliyan di şerê navxweyî de nîne. Ya bi ser dikeve tenê plana dijmin û dagirkeran e. Yên têk diçin tenê aliyên beşdarî şerê navxweyî dibin, ên dibin qurbanî tenê gelê Kurdistan e.
Lewma em weke hunermendên navên wan li jêr hatine nivîsandin, dubare hişyar dikin ku di demeke nêzîk de dawî li vê rewşê bînin, bi têgihiştin, aqil û ruhê nîştimanperwerî tevbigerin. Rêz û hurmetê ji xwîna bi sedan hezar şehîdên Kurdistanê re bigirin. Berjewendiyên bilind ên gelê Kurd li ber çavan bigirin. Xwe ji her cure şer û rûdanên xwîna nav aliyan dûr bigirin. Êdî ber bi diyaloga nîştimanî û yekrêziya neteweyî gav biavêjin.
Her wiha em daxwazê ji gelê xwe dikin ku bi hestyarî nêzî vê rewşê bibin. Rola xwe di şikandina planên dijminan de bibînin. Bi her awayî li dijî rûdana şerê kavilkariyê yê navxweyî bisekinin.”
Mîsoger serketin û azadî di yekgirtin û stratejiya hevbeş a nîştimanî de ye.”
Hunermendên ku daxuyanî daye, wiha ne:
Niyan Ebdulla, Çêner Nizar, Zana Heme Beşdar Hejar, Aram Ehmed Sirûşt Ebereş, Lawe Rewandizî, Celal Qadir, Pişko Heme Rustem, Cume Kerîm Mihemed, Şiwan Celal Fars (Kifrî), Cemal Ebdulrehman (Cemalê Xetat), Emer Ebdulla, Pola Mihemed Hesen, Ojîn Emer Ebdulla, Zara Hesen Hemîd, Mihemed Sabîr, Wirya Hesen (Kifrî), Dilniya Mehmud (Kifrî), Huner Tahîr (Koye), Mihemed Tenya (Kifrî), Şiko Emer (Kerkûk), Şiwan Celal Fars (Kifrî), Serbest Hacî Ehmed, Casmî Saz, Berhem Şemamî, Çoman Reşîd, Mihemed Emer Ehmed (Kelar), Hisên Ebdulla Ezîz (Kelar), Herdê Semîr, Birwa Esed (Kerkûk), Kerîm Surçî, Şiwan Qeredaxî, Şenge Kerkûkî, Aware Kurdî, Şayî Necar, Ejîn Cotyar, Hawrê Elî, Soma Bapîr, Diyarî Mehmûd, Serbest Hacî Ehmed (Kelar), Hesen Cûdî, Hewraz Artîst (Kelar), Pêşrew Hisên, Rêbas Zahîr, Nejad Berzincî, Nizar Kerkûkî, Rewend Şiwanî, Griftar Kakeyî (Almanya), Edhem Kakeyî (Kerkûk), Enîta Êspander (Danîmarka), Rizgar Xeyat (Kerkûk), Osman Jandar (Silêmanî), Nermîn Rezaq, Azad Renîsanis, Luqman Hesen (Silêmanî), Şêrko Celal, Evîn Kakeyî (Belçîka), Hawser Celal (Almanya), Îmad Mihemed (Holanda), Teha Resûl (Silêmanî), Heme Rênas (Hollanda), Mihemed Ebdulstar Mehdî (Kelar), Serdar Norê (Kelar), Araz Ebubekir Mihemed (Kelar), Adil Mihemed Ehmed (Kelar), Qadir Elyasî, Fereydun Qadir, Rizgar Heme Reuf, Selah Heme Ezîz, Twana Heme, Talîb Resûl, Huner Heme Ceza, Ehmed Berzincî, Mofeq Arif Lihonî, Newzad Ehmed Xidir, Rênas Wirya- Hunermend, Cezay Saz, Dilêr Germiyanî, Peyam Rojhelatî, Nehro Salih Deloyî, Şemal Mihemed Tofîq, Dana Çawşîn, Şemal Ebereş, Şadan Fiwad, Îsmaîl Îbrahîm, Deştî Xalîd, Heme Reuf Kerkûkî, Nizar Zîwiyî, Luqman Selîm (Silêmanî), Şîlan Osman (Silêmanî), Twana Mihemed, Fereydun Heme Salih Qasim (Silêmanî), Eta Heme Salih (Silêmanî), Lavîn Diyar Cebar (Silêmanî), Kawe Qadir, Aşna Reuf, Birwa Kamîl Eta, Berzan Seyda- Hunermend (Goranîbêj), Rewa Cemal Ebdul,Kameran Nurî Gelalî, Bextiyar Cemal, Karzan Pîran, Kerem Tekoglu, Qadir Ehmed, Hawrê Mistefa (Finlandiya), Firyad Hisên (Kelar), Ebdulselam Feysel (Kelar), Qadir Ehmed (Norwec), Rizgar Emîn (Silêmanî), Emîr Hesen, Nasêh Elî Xeyat.
ANHA
