Hevseroka Konfederasyona Civakên Kurdistanê (KON-MED) a Almanyayê Rûken Akça, têkildarî qonaxa duyemîn a pêngava “Ji Abdullah Ocalan re azadî, ji pirsgirêka kurd re çareserî” agahî dan û got: ji bo azadiya rêber Apo çi bê xwestin emê bikin.
Kongreya Civakên Demokratîk ên Kurdistanê (KCDK-E), Saziyên Kurd ên Demokratîk ên Ewropayê, komên enternasyonalîst ên Ewropayê û kesên navdar ên cîhanê di 10’ê Cotmeha 2023’yan de li 74 navendan bi dirûşmeya “Ji Abdullah Ocalan re azadî, ji pirsgirêka kurd re çareserî” pêngav dabûn destpêkirin.
Qonaxa duyem a pêngavê 1’ê Adarê de dest pê kir.
Di çarçoveya pêngavê de bi çalakiyên girseyî yên 8’ê Adarê û Newrozê daxwaza azadiya fizîkî ya rêber Apo hat kirin.
W bi boneya 4’ê Nîsanê rojbûna rêber Apo çalakiyên girseyî bên lidarxistin.
Her wiha wê serdana konse û parlementoya Ewropayê bê kirin û dosyeya derbarê bêhiqûqiyê radestî wî bê kirin.
Hevseroka Konfederasyona Civakên Kurdistanê (KON-MED) a Almanyayê Rûken Akça, têkildarî xebatên di çarçoveya qonaxa duyemîn a pêngavê de agahî dan.
Rûken Akça got, divê çalakiyên qonax duyemîn ji rêzê nebin û bibin mîna serhildanan.
Rûken diyar kir ku tecrîd di şexsê rêber Apo de li çar aliyên kurdistanê tê meşandin.
Rûken da zanîn ku wê di navbera 15-20’ê Nîsanê de li ber Konseya Ewropayê (KE) bi pêşengiya jinan bi 5 hezar kesî çalakiya rûniştinê ya 5 rojan li dar bixin.
Her wiha li bajarê Vatîkan ê Îtalyayê serdana Papa bê kirin û dosyeya derbarê tecrîda li hember rêber Apo radestî wî bê kirin.