Kongireya Star li bajarê Qamişlo li taxa Xerbî têkildarî bernameya 8’ê Adarê daxuyaniyek da. Bi dirûşmeya ‘Bi pêşengiya Leyla Goven em ê têkoşînê bilind bikin, bi rêber Apo re azad bijîn’ em roja 8’ê Adarê li tevahî jinên azadîxwaz, bi taybet jinên li Bakur û Rojhilatê Sûriyê, pîroz dikin.
Bi tevlêbûna endamên Kongireya Star, Rêveberiya Xweser, Desteya Jinan daxuyanî ji hêla Matliyên Şêx Xidir ve hat xwendin.
Daxuyanî wiha ye:
“Roja 8’ê Adarê encama têkoşîna jinan a li dijî hişmendiya desthilatdar e ku bi hezaran salan xwe li ser jinan ferz kiriye û rola jinan di civakê de bê bandor kiriye. Ev têkoşîn bi saya bîrdoziya rêber Apo ya azadiya jinan dîsa zindî û berfireh bû.
Di heman demê de bi pêşengiya jinên têkoşer ên ku bûn sembola xeta berxwedana jinan mîna Roza Luksemburg, Sakîne Cansiz, Helîn Qereçox û îro jî Leyla Guven, bi çalakiya xwe bersiva herî xurt li dijî faşîzmê dide.
Şoreşa Rojava bûye bingeha avakirina neteweya demokratîk û hevjiyana hevbeş di tevahî Bakur û Rojhilatê Sûriyê de. Her wiha pêşengiya YPJ’ê di têkbirina DAIŞ’ê de hêzdayîna têkoşîna jinan e. Li ser wî esasî em ê van destkeftiyên şoreşa jinan li dijî hemû cureyên hişmendiya paşverû û faşîzmê têkoşîna xwe bilindtir bikin.
Çalakiyên 8’ê Adarê
Li ser asta Bakur û Rojhiltê Sûriyê mîhrîcana hevgirtina jinên rewşenbîr dê were çêkirin.
Li her derê dê bi dehan civîn bên lidarxistin.
Hemleya darçandinê dê dest pê bike.
Mitîng li hemû herêman dê bên lidarxistin.”
ANHA
