Platforma Em ê Cinayetên Jinan Rawestînin’ (KCDP) rapora xwe ya tundiya mêran a meha Hezîranê ya li Bakurê Kurdistanê û Tirkiyeyê parve kir.
Li gorî raporê 22 jin hatine qetilkirin û 27 jinan bi awayekî biguman jiyana xwe ji dest daye.
Li gorî raporê, piraniya jinan ji ber ku xwest dev ji hevserê berdin, ji ber lihevkirinê, têkiliyê û zewacê red kirine hatine qetilkirin, her wiha nehat zanîn ku 13 jin bi çi hincetê hatine qetilkirin.
KCDP’ê têkildarî mirina biguman a 27 jinan jî, anî ziman ku bi pêvajoya pandemiyê re mirina biguman a jinan û xwekuştina jinan pir zêde bûne. Di daxuyaniyê de wiha hate gotin: “Mixabin mirina biguman a jinan ji cînayetên jinan zehmetir dibe. Divê were eşkerekirin ku gelo jin bi rastî jî bi qezayê mirine, cînayet e an na, xwekuştin e an neçar mane dawî li jiyana xwe bînin.”
ANHA
