Rûsya û Amerîka û gefên Tirkiyayê li ser Sûriya
Mustefa Ebdo
Êrîşên Tirkiyê li ser Sûriyê bi devê (Rûsya û Amerîkayê) pêk tê û dest pê dike, ji ber ku pêngaveke wiha pêwîstî bi biryarekê ji wan pêk bê û ew her du hêz îro karin bandorê bikin û vê dagirkeriyê bi dawî bikin.
Rûsiya ku daxwaza yekitiya xaka Sûriyê û bidawîkirina her cure hebûna leşkerî dike û hebûna dewleteke serwer û dezgehên bihêz û aboriyeke bihêz dizane ku li ber ronahiya talankirina Tirkiyê çênabe tev wilo ew çavên xwe ji dagirkeriya dewleta Tirk re digire.
Dagirkeriya Tirkiyê li ser Sûriyê li Amerîka û Rûsiya bi kêmanî di vê qonaxê de nayê bihîstin, ji ber ku Amerîka di siyaseta xwe ya li ser Rojhilata Navîn de xwedî pêşanî ye û nîgeraniyên din hene ku dikarin vî alî bi ser bixin û ew e ku bi Hêzên Sûrîya Demokratîk re mijûl dibe ku Bakur û Rojhilatê Sûriyê kir herêma herî aram li Sûriyê.
Ji aliyê din ve Rûsya fikarên wê hene û pêwîstiya wê bi tiştên zêdetir ên giringtir û bikêrhatî heye.
Rûsya çaverê dikir ku herêmên Rêveberiya Xweser bi hêsanî têkeve bin kontrola hikûmeta Sûriyê, bi awayê ku Heleb an Hums.
Lê ev yek pêk nehat Rêveberiya Xweser a Bakur û Rojhilatê Sûriyê li şûna ku bikeve û teslîm bibe siyaseta xwe ya li ser bingeha jiyana hevbeş berdewam kir û avahiya xwe parast û ber bi demokrasiya rast ve gav avêtin û hemû saziyên Rêveberiya Xweser bi îradeya qayîm a pêkhateyên herêmê û bi berxwedaneke zelal xebatên xwe berdewam kirin.
Di navbera helwesta nezelal a Rûsiya û Amerîkayê û hewldanên wan ên berdewam ên bikaranîna gefên Tirkiyê yên li ser bakur û rojhilatê Sûriyê, em dikarin piştrast bikin ku her tiştê ku li Sûriyê bûye û diqewime di gelek rewşan de bi erêkirina Rûsya û Amerîka ye, û Hikûmeta Sûriyê li hember pirsgirêkên kombûyî ne xwedî helwesteke xwesere, ji ber ku hîn jî li ser xewnên berê dijî û diyaloga ku Rûsyayê îradeya xwe nîşan da ku di navbera hikûmeta Sûriyê û Rêveberiya Xweseriya Demokratîk a Bakur û Rojhilatê Sûriyê de pêk bîne hîna asê maye ji ber ku hewldan û helwesta Rûsyayê ne li gorî cewherê qonaxê ye.
Bi kurtasî di vê qonaxê de bang li hemû pêkhateyên Sûriyê tê kirin ku hay ji metirsiyan bin û rêveberiya xweseriya demokratîk xurt bikin û hemû hêzan ji bo rûbirûbûna metirsiyên rojên pêş bixin.
