Li gorî rojnameya El-Beyan, saziya Maet a hiqûqî ji destpêka meha Sibatê ve şahidiyên kesên ku ji ber sûcên dewleta Tirk ên li Bakur û Rojhilatê Sûriyê zirar dîtine, kom dike da ku pêşkêş bike.
Rêxistinê hemleya çavdêriya sûcan û belgekirina wê ragihand. Armanc jê ku destekê bide kesên zerar dîtine.
Gerînendeyê rêxistinê Eymen Eqêl di vê derbarê de wiha axivî: “Armanc ji hemleyê ew e ku balê bikişînin ser sûcên mezin ku dewleta Tirk û çeteyên wê li dijî welatiyên sivîl li bakurê Sûriyê pêk anîne, ji talankirina mal û milkên taybet, hilweşandin, talankirina cihên dîrokî û hwd. Ev yek ne li gorî Peymana Laheyê ya 1954`an e.”
ANHA
