Berdevka Kongreya Star di axaftina xwe de li ser navê Kongra Star lidarxistina 9emîn kongreya Partiya Yekîtiya Demokratîk li gelê me, malbatên şehîdan û hemû cangoriyên azadiyê pîroz kir.
Remziye Mihemed got: “Bi ruhê şerê gelê me yê şoreşgerî, berxwedan û têkoşîna li dijî hemû polîtîkayên ku li dijî gelê me tên meşandin û zehmetiyên ku gelê me li Bakur û Rojhilatê Sûriyê kişandine, em ê têkoşîna xwe bidomînin bibin hêzeke ku em pê re dagirkeriya Tirk a ku dixwaze gelên herêmê tine bike û vîna wan bişkîne, têk bibin.
Her wiha tekez kir ku bi hêza gelê xwe û partiya me (li ser Partiya Yekîtiya Demokrat) em ê bibin mînaka berxwedana gelên azad li cîhanê û gelê me hemû hêvî dike ku partiya me pêşengiya vê serkeftinê bike.
Li ser navê Kongra Star Remziye Mihemed girtiyên di girtîgehên dewleta Tirk a dagirker û şervanên azadiyê re silav kir û berxwedana wan pîroz kir.
Di dawiya axaftina xwe de îşaret bi damezrînera Partiya Yekîtiya Demokratîk Şîlan Kobanî kir û wiha got: Bi rihê şehîd Şîlan ku bû qurbana komploya şikandina partiya me, ev berxwedan û têkoşîn wê bibe sembola serkeftinê.
