ManşêtNûçe

Meclisa Girê Spî ji Komkara Erebî xwest ku êrişên li ser Sûriyê bide rawestandin

Têkildarê êrişa dawîn a dewleta Tirk a li dijî sivîlên Kobanê meclisa kantona Girê Spî daxuyaniyek da.

Daxuyanî ji aliyê cîgirê hevserokatiya meclisê Heza Mihemed ve hate xwendin û bi dehan endamên saziyên kantonê û meclisa navçeyê tev li dayîna daxuyaniyê bûn.

Di daxuyaniyê de êrişa dewleta Tirk a li dijî Kobanê di 20`ê Cotmehê de ku di encama wê de 2 sivîl şehîd bûn û 3 jî birîndar bûn, hate şermezarkirin.

Her wiha hate diyarkirin ku li herêmên Bakur û Rojhilatê Sûriyê ji destpêka aloziya Sûriyê ve şerê navxweyî çênebûye û hêzên QSD`ê hevkariya Koalîsyona Navneteweyî kiriye da ku çeteyên DAIŞ`ê ji herêmê derxin û herêm rizgar kiriye.

Meclisê di daxuyaniya xwe de destîşan kir ku Rûsya berpirsa hedefgirtina sivîlên kantona Kobanê ye, ji ber ku ew garantora agirbestê ye û bêdengiya Rûsyayê ya li hember binpêkirinên dewleta Tirk şermezar kir.

Meclisê di dawiyê de bang li civaka navneteweyî, Komkara Erebî kir ku destwerdanê bike û zextê li dewleta Tirk bike da ku sûcên li dijî gelên herêmên Bakur û Rojhilatê Sûriyê rawestîne.

ANHA

Back to top button
Close