Piştî bêdengiya 3 mehan, wezîrê Jêderên Avê yê hikumeta Şamê bang li dewleta Tirk kir ku para Sûriyê ji ava çemê Firatê berde.
Wezîrê Sûriyê destnîşan kir ku ji ber ku dewleta Tirk ava çemê ji aliyê xwe ve qut kiriye, rêjeya ava çemê kêm bûye.
Reid bang li Tirkiyê kir ku para adil û ya li ser hatiye lihevkirin a Sûriyê û Iraqê ji ava Firatê berde.
Reid her wiha bang li civaka navneteweyî û rêxistinên navneteweyî kir ku destwerana rewşê bikin ji bo ku ava çemê Firatê mîna berê biherike.
Temam Reid got: “Berdewamkirina rewşê bi vê rengî gefê li elwehiya avê li Reqa, Dêrazor û Hesekê dixe.”
Dewleta Tirk ji Cotmeha 2020`an ve ava çemê Firatê li ser Sûriyê dibire.
Sala 1987`an Tirkiye, Sûriye û Iraqê têkildarî herikîna ava çemê Firatê peymanek îmze kir. Li gorî peymanê divê para Sûriyê di her xuleyekê de 500 m3 be, ku dewleta Tirk vê yekê pêk nayîne.
