DaxuyanîManşêt

Daxuyanî ji bo raya giştî bi boneya salvegera şehadeta heval Îsa Hiso

Îro salvegera 9’emîn ya şehadeta heval Îsa Hiso (1954) derbas dibe li taxa Kornîş a bajarê Qamişlo di dîroka 30’ê tîrmehê sala 2013’an, dema ku ji mala xwe derdiket û li otomobîla xwe ya li ber deriyê mala xwe rawestiyabû siwar bû, hat teqandin û di encamê de jiyana xwe ji dest da.

Ev salveger hevdem e bi zêdebûna gef û êrîşên Tirkiyê yên li ser gelê me, di ceribandina helwêstên aliyên navdewletî de, ku demeke dirêj li hember dagirkeriya Tirkiyê radiwestin û sûcên wê vedişêrin.

Şehîd Îsa Hiso, panelek yekitiya neteweyî ya yekbûyî ava kir û şopa tiliyên wî heta niha di detayên jiyana me ya rojane de maye, berxwedan piştî wî mezin bû, û ev yek jî nîşaneya têkçûna dijminan di rawestandina mesa têkoşna gelê me ye û nekarîna wan astengkirina berxwedanê.

Şehîd Îsa Hiso di jiyana xwe de çendîn erkên pêşengiyê wergirt, yek ji pêşengên şoreşa Rojava bû ku jiyana xwe ji bo têkoşîn û berxwedana gelê xwe feda kir, di sala 2004’an de weke nûnerê Partiya Yekîtiya Demokratîk hate hilbijartin û berpirsê pêwendiyên wê yên giştî yên derve. Tevî zordestiya desthilata navendî li Şamê û çend caran ew girt, lê di sala 2007ê de wek nûnerê partiyê beşdarî hilbijartinên parlemana Sûriyê bû û têkoşîna xwe di nav gelê Kurd de berdewam kir ta ku di dawiyê de bi destên terorîstan hat şehîdkirin.

Em di Meclisa Giştî ya Partiya Yekîtiya Demokratîk (PYD) de û di salvegera şehadeta heval Îsa Hiso de soza şopandina rêya şehîdan, pabendbûna bi pêngavên netewî, parastina bijartina berxwedanê û bidestxistina yekîtiya netewî nû dikin heta gihiştina civakeke demokratîk, exlaqî û polîtîk. Her wiha em destnîşan dikin ku serkeftina projeya me ya demokratîk fedekariyê hewce dike û şehadeta rêheval û rêhevalên me tenê biryardariya ku em bigihêjin armancên xwe ye. Tovê ku şehîd Îsa Hiso çandiye îro bûye dar û bi hezaran berxwedêrên leheng şîn bûne. Meşa berxwedanê ranaweste, ji ber ku îro ji hemû qonaxên berê zêdetir bijardeyên me hene û em bûne hejmareke dijwar ku di warê neteweyî, herêmî û navneteweyî de nayê derbaskirin.

Bi vê boneyê em bang li hemû pêkhateyên gelê Sûriyê dikin ku rêyên ku li ser wan hatine ferzkirin red bikin û israr bikin ku aloziya Sûriyê li gorî riya siyasî li gorî biryara navdewletî 2254 çareser bikin û guhertineke demokratîk a giştalî pêk bînin ji bo Sûriya nenavendî demokratîk û çareserkirina doza kurdî ya adil, ji giringtrîn dozên demokratiyê li Sûriya û herêmê ye.

Aştî ji bo ruhê şehîd Îsa Hiso di salvegera 9’emîn de

Meclisa Giştî ya Partiya Yekîtiya Demokrat PYD

2022-7-30

Back to top button
Close