ÇalakîManşêtNûçe

Meclisa Kongira Star bi daxuyaniyekê rojbûna Rêbertî pîroz kir

kongra star bi boneya rojbûna Rêbertî daxuyaniyek nivîskî da

Daxuyanî wiha bû:

Di serî de, em rojbûna mirovahiyê, roja vejîna gelê kurd bi taybet li gelên azadîxwaz li rihê dayîka Uyêş pîroz dikin, dayîka ku hîn taybetmendiyên jina xwedawend di xwe de berdewam kiribû, ku di encama perwedekirina vê dayîka  xwedawend de, rêberekî gerdûnî derket holê û bû xwedî fikir û felsefeyeke ku di riya wê de êdî careke din, dîrok vegeriya riya xwe ya rast û jin ji bin koletiyê rizgar bû her weha di xwez û jîngehê de dengek da çêkirin , li gel wê jî bi fikir û ramanên xwe dikarîbû hemû gelan bîne gel hev, gelên ku bi sedê salan  dijminê kurd û Kurdistanê,  reşkirin, neqebûlkirin û dijminahiyê di navbera wan de daye çêkirin , ji ber vê dewletên kompliger bi pilaneke pir qirêj berî 26 salan Rêbertiya me bi destên dewleta Tirkî faşîst da dîlgirtin û heta niha Rêbertî di bin tecrîdeke girankirî de ye û di bin şert û mercên herî zehmet e jiyan dike, ku bi rêbazên dûrî pîvanên mirovahiyê û zagonên navnetewî yê girêdayî mafên kesên hatine dîlgirtin, bi mebesta pêşîlêgirtina fikir û ramanên Rêbertî yên ku dîwarên Îmraliyê nikariya li pêşiya wan bibe kelem û asteng , ji ber vê her ku diçe dijminê mirovahiyê di bin sûcên dispilînê de ev zêdeyî sê salan e ku hevdîtin bi Rêbertî re qedexe kiriye ne bi malabat û ne bi parêzera re her weha weke ku tê zanîn mirovekî ku temenê wî zêdeyî 70 salî be û zêdeyî 20 salan di zinadanê de mabe, , li gorî  zagonên navdewletî nabe ku di zindanê de bimîne  ji ber vê bi dihan doz hatine rakirin ji dadgeha dewleta Tirkî  faşîst re lê belê her tim ev doz nayên qebûlkirin û ev tê wateya ku tendirûstî û jiyana Rêbertî di xetreriyê de ye .

Lê tevî van kiryarên dûrî pîvanên exlaqê mirovahiyê jî û tecrîda girankirî dewleta faşîst nikariya Rêbertî û gel ji hev qut bike. Tersî wê îro roj Rêber Apo bûye Rêberekî gerdûnî ji hemû netew, bawaerî û gelên cûda re,  bûye çirûska çareseriya hemû pirsgirêkên ku îro li cîhanê tên jiyankirin lewma di bin dirûşmeya ji bo azadiya fîzîkî ya Rêber APO û çareserkirina pirsgirêka kurd di 9 Cotmehê de kampnaiya ji bo azadiya Rêbertî dest pê kir bi pêşengtiya 74 aliyên civakî, siyasî, rewşenbêrî û kesên azadîxwaz û em jî wekî Rêxistina jin Kongira Star di rojavayê Kurdistanê de bi vîneke xuret û israreke mezin tevî vê kampanyayê bûn ji ber ku Rêbertî rêhevalê jin e, û di dîrokê de kesê yekem e ku jin ji  bin koletî û bindestiyê rizgar kir ji ber wê, em weke jin bi hemû hêza xwe, bi çalakiyên cûrbecûr û bi karkirina biwijdan di qadên kar û berxwedanê de, em ê li Rêberê xwe xwedî derkevin her weha  bangewaziya me ji bo hemû jinan ku hevgirtin û yekîtiya xwe ava bikin da ku karibin li Rêberê xwe xwedî derkevin ji ber ku azadiya Rêber Apo azadiya jin û civakê ye.

Careke din em rojbûna Rêberê felsefeya netewa demokratîk Abdulah Ocelan li rihê Dayîka Uyêş, hemû jin û mirovahiyê pîroz dikin.

 

 

 

Back to top button