Komîsyona Welatiyan a Tirkiyeyê ya Ewropayê (EUTCC) li Parlamenta Ewropayê îro Konferansa Kurd a 18’emîn lidar dixe.
Konferansa Navneteweyî ya 18’emîn bi sernavê “Yekîtiya Ewropa, Tirkiye, Rojhilata Navîn û Kurd” tê lidarxistin. Konferans wê îro destpê bike. Li gorî gahiyan gelek parlamenter, siyasetmedar, akademîsyen, parêzvanên mafên mirovan, hiqûqnas û rojnamevan weke qiseker beşdarî konferansê bibin.
Kurd jî di nav de wê axaftinên li konferansê bi gelek zimanan di cih de bêne wergerandin. Rûniştinên roja destpêkê wê di 6’ê Kanûnê de di navbera saet 16:00 û 20:00 de pêk werin.
Seroka EUTCC a Norwêcî û akademîsyena ji Zanîngeha Bergenê Karîane Westrheîm, Alîkarê Serokê Parlamenta Ewropayê yê ji koma çep Dîmîtrîos Papadîmoûlîs û ji Tifaqa Pêşverû ya Demokrat û Sosyalîstan Parlamenterê Parlamenta Ewropayê yê ji Awûstûryayê Andreas Schîeder wê di destpêka konferansê de biaxivin.
Di konferansê de wê mijarên; ‘hilbijartinên giştî yên dawî yên li Tirkiyeyê û bûyerên piştî hilbijartinê, rewşa muxalefetê, têkiliyên navbera Tirkiye û Yekîtiya Ewropayê, nêzîkatiya Yekîtiya Ewropayê ya li meseleya Kurd, Peymana Lozanê ku di sala 100’emîn de ye, tecrîda li Îmraliyê, krîza NATO’yê ya li ser Swêdê, pirsgirêka jinê, çareseriya pirsgirêkên ekolojî û Kurdan’, wê bêne nîqaşkirin.
