Partî û saziyên Kurdistanî yên li Ewropayê gotin, “Li dijî hovîtiya ku li Jîna Emînî hate kirin, em berxwedana ku pêl bi pêl mezin dibe, silav dikin.”
Di daxuyaniyê de hate gotin, “Di dîroka Rojhilata Navîn de em weke Kurd her tim bûne parçeyekî girîng ê guhertinên bingehîn ên civakî. Di pêvajoyên dîrokî de gelek serhildan û şoreş ji dilê Mezopotamyayê derbasî welat û gelên cîran bûne.”
‘KURD PÊŞENGIYÊ JI RAPERÎNÊ RE DIKIN’
Daxuyaniyê wiha dewam kir:
“B.Z. ji sala 612’an heta serhildanên li Bakur, Rojava, Başûr û Rojhilatê Kurdistanê gelê Kurd bi hezar salan di van têkoşînan de berdêlên giran da, lê ti carî dest ji doza azadiyê berneda û serî li ber zilm û rejîmên totalîter netewand.
Kurd bi sedan sal li hemberî komkujî, mêtîngerî û qirkirinan li ber xwe dane û heya roja me ya îro hatine. Sedema hêz û mayîna wan, hêza berxwedaniya wan a li çeperên şer û zindanên dewletên dagirker e.
Di pêla dawî ya berxwedanê de li dijî hovîtiya ku li Rojhilatê Kurdistanê li ser Jîna Emînî hatiye kirin, dîsa Kurd pêşengiya serhildan û berxwedanê li dijî hêzên paşverû yên Komara Îslamî dikin.
Kuştina hovane ya Jîna Emînî di destpêkê de bû sedema nerazîbûna endamên malbatê û banga wan a dadxwaziyê ya ji Seqizê li dehan bajarên mezin û biçûk ên Rojhilatê Kurdistanê û Îranê bersiv jê re hate dayin û veguherî serhildaneke ku ji serî heta dawiyê bandora xwe li hemû derdoran kiriye.
Kuştina Jîna Emînî veguherî têkoşîn û protestoyek hevpar a bi mîlyonan kesî ku bi hev re daxwazên azadî û demokrasiyê yên gelên Îranê bi taybetî gelê Kurd anîn ziman.
Ev serhildan bi dirûşmên ‘JIN-JIYAN-AZADÎ’ û ‘Bimre dîktator, Kurdistan ronî û çavê Îranê ye’ ji sînorên welatê me derbas kir û li cîhanê belav bûn. Di vê pêvajoya ku cîhan tê re derbas dibe de, destketiyên bi vî rengî pir bi nirx in û jin û mêrên Kurd û neteweyên cuda beşdarî govenda serhildana li dijî rejîmên serdest û dîktator dibin. Dîwarê tirsê yê li dijî rejîma melayên Îranê cara yekem hat şikandin û komên etnîkî yên ku ji ber polîtîkayên şovenîst ji hev dûr ketîbûn, nêzî hev bûn.
‘EM ÇALAKIYAN BIKIN, LI HER DERÊ XWEDÎ LÊ DERKEVIN’
Weke sazî û partiyên Kurdistanî yên li Ewropayê yên li jêr îmze kirine, banga me ji hemû Kurdistaniyan re ew e ku li ku derê lê bin, bi çalakiyên xwe xwedî li daxwazên mafdar û serhildanên gelê Rojhilatê derkevin.
Em ê weke Partî û Saziyên Kurdistanî yên li Ewropayê di 01.10.2022’an de li gelek bajar û navendên Ewropa, Kanada û Awûstralyayê ji bo êrîşên li Rojhilatê Kurdistanê û Îranê şermezar bikin, çalakiyan li dar bixin. Di vê pêvajoya awarte de divê Kurdistanî û her kesê ku alîgirê demokrasî, azadî û azadiya jinê ye hemû beşdarî mîtîng, meş û xwepêşandanên girseyî bibin.”
BERNAMEYA ÇALAKIYAN
Di dewama daxuyaniyê de li ser bernameya çalakiyan ev agahî hatin dayin:
Elmanya: Köln, Frankfurt, Hamburg, Berlîn, Hannover
Holanda: Amsterdam, Rotterdam
Belçîka: Bruksel
Îngilîstan: London, Sheffield
Swêd: Stockholm, Yotobori, Eskilstuna
Norwêc: Oslo
Fînlandiya: Helsiki, Turku
Awûstralya: Sydney
Fransa Parîs
Awûstûrya: Viyana
Yewnanistan: Atîna
Kanada: Toronto
Swîsre:
Îtalya: Roma
Qibris
”
SAZÎ Û PARTIYÊN MOHRA XWE DANÎNE BINÊ BANGAWAZIYÊ
Sazî û partiyên Kurdistanî yên li Ewropayê ku mohra xwe danîne binê bangwaziyê wiha ne:
YNK (Yektiya Niştimanî Kurdistan)
Tevgêra GORRAN
KCDK-E (Kongreya Civakên Demokratîk ên Kurdistaniyên li Ewrupa) KUR
TJK-E (Tevgêra Jinên Kurdistanê-Ewrupa)
Partiya ŞÛÎ Kurdistan Basur
Kongra Star (Rêxistna Jin Rojava, Bakur-Rojhilatê Sûryê) Europe
Partiya Zahmetkêşan – Başûr
PADÊ (Partiya Azadî û Demokrasiya Êzîdiya)
Tevgêrê Azadî
PYD (Partiya Yekîtiya Demokrat)
P.D.K.S (Partiya demoqrat a kurdî ya sûrî )
Partiya Çep a Kurd li Sûrî.
Tevgera Nûjen ya Kurdistanî-Sûrya.
PÇDKS ( Partiya çep a Demoqrat a Kurd li Sûriyê.)
Partiya Demokrata Kurd li Sûriya( El Partî).
Partiya Çep a Demokrat li Sûriya.
Partiya Rêkeftin a Kurd li Sûrya.
Partiya Çaksaziya Kurd li Sûriya.
Partiya Kesk A Demokrat Kurdistanî li Sûriya.
Partiya Demokrata Kurdistanî li Sûrya.
Partiya Komanist a Kurdistanî li Sûriya.
PÎK (Partiya islamiya Kurdistan)
KKP ( Partiya Kominista Kurdistan)
Tevgera Kawa
PJAK(Partiya Jiyana Azada Kurdistan)
Yakyatî Şorşgêrî Kurdistan
KODAR (Civaka Demokratîk û Azada Rojhelatĕ Kurdistan)
KJAR (Civaka Jinên Rojhelatî Kurdistan)
Platforma Horam
Plattform Zagros
Plattform Yarsan
Yarî Kurd
Partiya Dimokrati Pêşvero kurdi Li Surîya
Tevçand (Tevgera Çand û Hunera Kurd)
Kurdische Gemeinde Stuttgart e.V
FEDA ( Federesyona Elewîyên Kurdistan)
NAV YEK (Navenda Mal û Komelê êzdiyan)
Kurdische Zentrum Berlin
CIK ( Civaka Islamiya Kurdistan)
Enstituta Kurdî – Almanaya
Enstituta Kurdî – Bruksel
MŞD ( Meclîsa Şingal a Derveyî Welat)
YMK ( Yekîtîya Mamostayên Kurdistan)
YES (Yekitiya Êzdiyên Sûri)
Kurdische Gemeinde zu Berlin-Brandenburg e.V.
Dachverband der Êzidischen Frauenräte
DKF (Deutsch-kurdisches Forum) e.V Dresden
Mezopotamya Halk Kongresi.
Mezopotamya Özgurluk Partisi.
Kurdistan human rights Association
Civaka Kurd ji bo Neteweyên Yekbûyî
Partiya Roj
ANF
